ნაძალადევის რაიონის გამგეობამ 2022 წლის 6 თვეში განხორციელებული პროექტებისა და პროგრამებისთვის ბიუჯეტიდან 11 101 354 ლარი გამოყო.
რაიონის მასშტაბით, სკვერებში და სხვადასხვა მისამართზე 135 ხე-მცენარე დაირგო; ც. დადიანის II მ.რ. N2 კორპუსის მიმდებარედ 55 ავტოფარეხის დემონტაჟის შემდეგ, სკვერი და სპორტული მოედანი მოეწყო; 3 სპორტული მოედნის მოწყობა-რეაბილიტაცია განხორციელდა; საბავშვო-გასართობი ატრაქციონები 7 მისამართზე დამონტაჟდა; 6 ფიტნეს ზონა მოეწყო; საგზაო ინფრასტრუქტურა ჯამში, 21 265 კვ.მ ფართობზე მოწესრიგდა, საგზაო სამუშაოები 33 მისამართზე შესრულდა; გრუნტის დამჭერი საყრდენი კედლის მშენებლობა 12 მისამართზე განხორციელდა; საერთო სარგებლობის კიბეები 4 მისამართზე მოეწყო; 91 მისამართზე 199 საპარკე სკამი დამონტაჟდა.
გამგეობის ბინათმესაკუთრეთა ამხანაგობების დაფინანსების პროგრამის ფარგლებში, საერთო ჯამში, 98 ინფრასტრუქტურული პროექტი შესრულდა. აქედან, 14 საცხოვრებელ კორპუსში სახურავი შეიცვალა, 24 ლიფტის მოწყობა-რეაბილიტაცია განხორციელდა, 14 კორპუსის მიწისქვეშა კომუნიკაციები რეაბილიტირდა. ასევე, 8 კულტურულ-სპორტული და შემეცნებითი ღონისძიება ჩატარდა.