გაეროს გენერალური მდივანი, ანტონიო გუტერეში მიიჩნევს, რომ საერთაშორისო მკვლევარებს ზაპოროჟიეს ატომურ ელექტროსადგურზე წვდომა უნდა მიეცეთ, რათა მისი მდგომარეობა შეისწავლონ.
„ნებისმიერი თავდასხმა ატომურ სადგურზე არის თვითმკვლელობა”, – თქვა გუტერეშმა იაპონიაში გამართულ პრესკონფერენციაზე.
მისივე თქმით, ატომური ენერგიის საერთაშორისო სააგენტოს (IAEA) ესაჭიროება სადგურზე წვდომა. „ჩვენ სრულად ვუჭერთ მხარს IAEA-ს ყველა ძალისხმევაში, რათა შეიქმნას ქარხნის სტაბილიზაციის პირობები,” – თქვა გუტერეშმა.
კომენტარები