“აშშ მჭიდროდ ითანამშრომლებს ნატო-სთან უკრაინისა და მისი მეზობელი ქვეყნების მხარდასაჭერად”

აშშ-ის თავდაცვის მდივან ლოიდ ოსტინის თქმით, აშშ მჭიდროდ ითანამშრომლებს ნატო-სთან უკრაინისა და მისი მეზობელი ქვეყნების მხარდასაჭერად.

ოსტინი ლატვიის დედაქალაქ რიგაში 2-დღიანი ვიზიტით იმყოფება.

„საერთაშორისო ძალისხმევა უკრაინის სამხედრო შესაძლებლობების გასაძლიერებლად გაგრძელდება, ფრონტის ხაზზე რეალური ცვლილებებისთვის და ეს გადამწყვეტია უკრაინის დახმარებისთვის, თავის დაცვისას“, – განაცხადა ოსტინმა და აღნიშნა, რომ შეერთებული შტატები გააძლიერებს რეგიონში მის განლაგებასა და კიდევ უფრო ინტენსიური გახდება სწავლება ბალტიელმოკავშირეებთან ერთად.