საქართველოს პრეზიდენტი სალომე ზურაბიშვილი უკრაინის პრეზიდენტის, ვოლოდიმირ ზელენსკის ინიციატივით შექმნილი “ყირიმის პლატფორმის” მეორე სამიტში მონაწილეობს. სამიტი ონლაინფორმატში ტარდება და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას.
სალომე ზურაბიშვილმა სამიტის მონაწილეებს მიმართა, რუსეთის მიერ უკრაინის და საქართველოს ტერიტორიების ოკუპაციაზე ისაუბრა და განაცხადა, რომ დეოკუპაციისთვის ბრძოლა გამარჯვებით დასრულდება, რადგან, 21 -ე საუკუნეში ოკუპაციის ადგილი არ არის.
” ჩემთვის პატივია საქართველო და ქართველები წარმოვადგინო. ჩვენი მტკიცედ მხარს ვუჭერთ თქვენს დეოკუპაციის სტრატეგიას, უკრაინის ტერიტორიულ მთლიანობასა და სუვერენიტეტს. ყირიმი უკრაინაა, უკრაინა იზეიმებს დამოუკიდებლობას.
ყველამ ვიცით, რომ რუსული აგრესია თებერვალში არ დაწყებულა. კრემლის აგრესია მშვიდობიან მეზობლებზე ცნობილია. კრემლის აგრესია საქართველომ 1992 და 2008 წელს გამოსცადა. უკრაინის და საქართველოს ტერიტორიები რუსეთის მიერ ოკუპირებულია. ჩვენ ვიხდით ამის საფასურს.
გვჯერა, რომ ეს ბრძოლა გამარჯვებით დასრულდება. 21-ე საუკუნეში ოკუპაციის ადგილი არ არის,”– განაცხადა სალომე ზურაბიშვილმა.