გაერო-ს გენერალურმა მდივანმა ძალიან ნათლად განაცხადა, რომ სირიაში ადგილი აქვს ჰუმანიტარული პრინციპების გათელვას. ტრაგიკულია, რომ 2016 წელს ჩვენ გავხდით ჰუმანიტარული სამართლის გაუსაძლისი დარღვევების მოწმეები, – ამის შესახებ გაერო-ს მუდმივმოქმედმა წარმომადგენელმა და გაერო-ს განვითარების პროგრამის ხემლძღვანელმა საქართველოში ნილ სკოტმა განაცხადა.
„საქართველო შეიძლება ჩართული იყოს რიგ დონეზე. საქართველო გაერო-ს ძალიან აქტიური წევრია, ძალიან ეფექტურად მუშაობს გაერო-ს გენერალურ ასამბლეაზე. ახლა საქართველო ადამიანის უფლებების საბჭოს ვიცე-თავმჯდომარე ქვეყანაა. აქედან გამომდინარე, საქართველო კარგად ფლობს ინფორმაციას იმის თაობაზე, თუ როგორ ირღვევა ადამიანის უფლებები სირიაში. სხვა ასპექტი ის არის, რომ ახლა ჰუმანიტარულ ოპერაციას აქვს ადგილი სირიაში და ნებისმიერი დახმარება ქართველი ხალხისგან ღირებული იქნება“, – დასძინა ნილ სკოტმა.