რუსეთ-უკრაინის ომში დაღუპული ქართველი მებრძოლი, გელა გოგია სამხედრო პატივით მშობლიურ ქალაქ სენაკში დაკრძალეს.
ქართველი მებრძოლი საკუთარი სახლიდან საპატიო ყარაულის თანხლებით გამოასვენეს. მის საცხოვრებელ სახლთან უკრაინისა და საქართველოს დროშები იყო გამოფენილი. დაღუპულის ოჯახს სამძიმარი ახლობლებმა, რიგითმა მოქალაქეებმა და სხვადასხვა პოლიტიკური პარტიების წარმომადგენლებმა გამოუცხადეს.
გელა გოგია 26 აგვისტოს უკრაინის ქალაქ კრამატორსკთან შეტაკებისას მძიმედ დაიჭრა და მისი გადარჩენა ვერ მოხერხდა. ახლობლების ინფორმაციით
54 წლის ქართველი მებრძოლი რუსეთ-უკრაინის ომში პირველივე დღიდან ჩაერთო. მათივე ცნობით, გელა გოგია ბოლო რამდენიმე წელი უკრაინაში ცხოვრობდა. ის იყო 2008 წლის აგვისტოს ომისა და აფხაზეთი ომის მონაწილე.
კომენტარები