ნოდიკო ტატიშვილი – ნამდვილად არ ვიტყვი, რომ უცოდველი ვარ

მომღერალ ნოდიკო ტატიშვილს პირად ურთიერთობებში იმედგაცრუებაც გამოუვლია. როგორც ჟურნალ „სარკესთან“ საუბარში აღნიშნავს, ამ ეტაპზე, შეყვარებული არ არის და ცოლის მოყვანასაც არ გეგმავს.
„ბევრი ურთიერთობა მქონია. სერიოზულიც, არასერიოზულიც, გართობაც, იმედგაცრუებაც. ახლა ჩემს თავს ამგვარი არაფერი ხდება. ჩემმა ოჯახის წევრებმა იციან, რომ ოჯახს მხოლოდ იმიტომ არ შევქმნი, რომ 29 წლის ვარ და ამის დროა“, – აღნიშნავს ტატიშვილი.
მომღერლის თქმით, მომდევნო ურთიერთობაში წინა ურთიერთობების შეცდომების გათვალისწინებას აპირებს.
„ნამდვილად არ ვიტყვი, რომ უცოდველი ვარ. ურთიერთობებს ხომ განვლილი ურთიერთობებიდანაც ვსწავლობთ. სხვა ურთიერთობის დროს იმავე შეცდომას აღარ უშვებ და ასე ნელ-ნელა სწავლობ.
ძალიან ემოციური, მაქსიმალისტი, მესაკუთრე, ეგოისტი ვარ. თუ ჩემია, ჩემია და მეტი არავისი. ალბათ, ჯერ არ გამოჩენილა ის ადამიანი, ვისთან ერთადაც რაღაცებს დავაბალანსებ. ალბათ, წინა ურთიერთობებში ერთმანეთის გაგების პრობლემა იყო. რაღაცებში პრინციპულად ვიცი შეწინააღმდეგება. თუ ვიტყვი, რომ ეს ასე იქნება, გადათქმა ძალიან მიჭირს და ალბათ იმიტომ, რომ ჯერ არავინ მყვარებია ისე, რაღაცეები დამეთმო“,-აღნიშნავს მომღერალი.
ნოდიკო ტატიშვილი მის გახმაურებულ ინტერვიუზეც საუბრობს, რომელშიც სასურველ მეორე ნახევარზე ილაპარაკა და აღნიშნავს, რომ თითიდან გამოწოვილი თემა იყო.
„ცოტა თითიდან გამოწოვილი თემა იყო, ვისი რა საქმეა, მე როგორ მეორე ნახევარს ვისურვებ?! კიდევ ერთხელ ვამბობ, მინდა ისეთი მეორე ნახევარი, რომელიც შემდგარი, მოწესრიგებული, წარმატებული ქალი იქნება, რომელსაც ყველანაირად ხელს შევუწყობ. მან ისევე უნდა იზრუნოს ჩემზე, როგორც მე ვიზრუნებ მასზე. სიყვარული ხომ ერთიმეორეზე ზრუნვაა. სიყვარული მარტო სექსია?! ზრუნვაში ბევრი რაღაც შედის“, – ამბობს მომღერალი.