ეკა გიგაურის განცხადება არის უტიფარი, უსაფუძვლო და რასაკვირველია, არის პოლიტიკური, რომელსაც სერიოზული კომენტარი სჭირდება, – ამის შესახებ საქართველოს პარლამენტის ვიცე-სპიკერმა, საპარლამენტო უმრავლესობის წევრმა, გიორგი ვოლსკიმ განაცხადა.
მისი თქმით, ეკა გიგაური უნდა აანალიზებდეს სიტუაციას და უნდა მიუთითებდეს იმ ნაკლოვანებებზე, რომელიც ხელისუფლებას გააჩნია.
„ეს ექსპერტი რა თქმა უნდა, უნდა აანალიზებდეს სიტუაციას და ზუსტად უნდა მიუთითებდეს იმ ნაკლოვანებებზე, რომელიც ხელისუფლებას გააჩნია. ეს არის მათი ამოცანა და არა პოლიტიკურ მიტინგებზე გამოსვლები და უსაფუძვლო განცხადებების გაკეთება, თუნდაც ეკონომიკურ საკითხებთან დაკავშირებით, სადაც კომპეტენცია აშკარად აკლია“, – განაცხადა გიორგი ვოლსკიმ.
კომენტარები