ერთ-ერთი მთავარი რისთვისაც „ნაციონალურ მოძრობაში“ მიმდინარეობს ბრძოლა, სააკაშვილისა და კეზერაშვილი შავი ფულია, – ამის შესახებ ირაკლი კობახიძემ ჟურნალისტებთან საუბრისას განაცხადა. „ქართული ოცნების“ თავმჯდომარე მიიჩნევს, რომ სწორედ ეს თანხები გახდა პარტიაში შიდა დაპირისპირების მიზეზი.
„ეს არის ნაძარცვი, სისხლიანი ფული, რომელიც მათ მოიპარეს საქართველოში. არა მარტო მოიპარეს, ყაჩაღურად აქვთ ეს ფული ნაშოვნი და ახლა ცდილობენ ამ ფულის ინვესტირებას საქართველოში. ამ შავი ფული გარშემო მიმდინარეობს ბრძოლა „ნაციონალური მოძრაობის“ შიგნით. ეს არის მნიშვნელოვანი ფაქტორი, როდესაც ამ დაპირისპირებაზე ვსაუბრობთ. შავი ფული მათ არასოდეს უჭირდათ. 9 წელი ძარცვეს ეს ქვეყანა და ხალხი. ფული მათ არ აკლიათ და შავი ფული ყოველთვის ტრიალებს, განსაკუთრებით საარჩევნო პერიოდში და ასევე მიმდინარე ხარჯებიც ბევრი აქვთ, თუმცა ამით წარმატებას ვერ აღწევენ. პირიქით, ეს ფული შიდა დაპირისპირების გაღრმავების მთავარი საგანი გახდა“, – განაცხადა კობახიძემ.