საქართველოს პრემიერ- მინისტრმა ირაკლი ღარიბაშვილმა, ესტონელ კოლეგასთან ერთად თანათავმჯდომარეობა გაუწია ევროკავშირის მიერ ინიცირებული ევროპული პოლიტიკური გაერთიანების პირველი სამიტის ფარგლებში გამართულ დისკუსიას “მშვიდობა და უსაფრთხოება ევროპის კონტინენტზე”.
მთავრობის მეთაური საკუთარი “ტვიტერის” გვერდზე წერს, რომ სამიტზე კიდევ ერთხელ ხაზგასმით აღინიშნა ერთიანი ევროპისთვის საქართველოს მნიშვნელოვანი როლი.
“მოხარული ვარ, რომ მონაწილეობა მივიღე ევროპული პოლიტიკური თანამეგობრობის სამიტში და თანათავმჯდომარეობა გავუწიე ევროკავშირის მშვიდობიან და უსაფრთხო მომავალზე დისკუსიას ესტონეთის პრემიერ-მინისტრთან ერთად.
ჩვენ კიდევ ერთხელ გავუსვით ხაზი ერთიანი ევროპისთვის საქართველოს მნიშვნელოვან როლს.
ჩვენ პარტნიორებთან ერთად ვდგავართ არსებული გამოწვევების დასაძლევად” – წერს საქართველოს პრემიერ-მინისტრი.
Delighted to take part in the European Political Community Summit and co-chair discussion on peaceful & secure future of the🇪🇺 with 🇪🇪PM @kajakallas. Thus, we've reiterated 🇬🇪's important role in united Europe. We stand together with our partners in addressing existing challenges pic.twitter.com/Xy8KXP7OZN
— Irakli Garibashvili (@GharibashviliGe) October 6, 2022