“პენიტენციურ სისტემაში წამებისა და არაადამიანური მოპყრობის სისტემური პრაქტიკა აღმოფხვრილია”

პარლამენტის თავმჯდომარის მოადგილის, არჩილ თალაკვაძის განცხადებით, ადამიანის უფლებების დაცვა ხელისუფლების უმთავრესი პრიორიტეტია.

„ამ წლების განმავლობაში ადამიანის უფლებების დაცვის თვალსაზრისით საქართველოს აქვს ხელშესახები გაუმჯობესება. პენიტენციურ სისტემაში წამებისა და არაადამიანური მოპყრობის სისტემური პრაქტიკა აღმოფხვრილია და ამას ევროკავშირისა და ევროპის საბჭოს წამების პრევენციის კომიტეტი აღიარებს.

ომბუდსმენსაც ამ წლების განმავლობაში ჰქონდა სრული შესაძლებლობა, რომ შეესრულებინა თავისი მანდატი. ემუშავა ეფექტურად, დაეცვა თითოეული პატიმრის, მოქალაქის უფლებები“, – განაცხადა თალაკვაძემ.