უსაფრთხოების საკითხებში ექსპერტმა ვახტანგ მაისაიამ განაცხადა, რომ რუსი ელჩის მკვლელობის უკან შესაძლებელია ტერორისტული ორგანიზაცია „დაიში“ იდგეს.
ექსპერტმა ასევე აღნიშნა, რომ „დაიშის“ ინტერესები საქართევლოს მიმართ ამ ეტაპზე ნაკლებია, თუმცა საქართველო ერთგვარი ტერორისტული საფრთხეების რეალურ რკალში იმყოფება. მაისაიამ ასევე დასძინა, რომ „დაიშის“ ერთ-ერთი მთავარი ხელწერა – არაპროგნოზირებადობა და მოულოდნელობაა, – ”არავინ იცის ის მორიგ ტერაქტს სად განახორცილებს და რა ვითარებაში განახორციელებს, ამიტომ ხელისუფლებამ ოპერატიული და მკაფიო ზომებიუნდა მიიღოს, რათა თავიდან იქნას აცილებული მსგავის ტიპის ტრაგედიები”.
„დაიშის“ მიერ ტერაქტების განხორციელების ალბათობა საკმაოდ მაღალია, შესაძლებელია რამდენიმე ხანში კვლავ მოხდეს ანალოგიური და უფრო მასშტაბური ტიპის დივერსიული აქციები. როგორც ჩანს, „დაიში“ ამას როგორც საომარი მოქდებების ასიმეტრიული დარტყმების კონტექსტში იყენებს. ეს იმას ნიშნავს, რომ „დაიში“სწორედ ასიმეტრიული დარტყმების სერიაზე გადავიდა. „დაიშის“ ინტერესები საქართველოს მიმართ, რა თქმა უნდა, არის (ის შედის გეოსტრატეგიული ინტერესების ზონაში პირდაპირ დაკვეთით, საქართველოში მოქმედებს ისლამ-დაიშის აქტიური ქსელი, ჩვენსა და აზერბაიჯანის ტერიტორიაზე ასევე არსებობს მიძინებული ქსელები, რომელიც სავსებით შესაძლებელია გამოყენებულ იქნას გარკვეული დროის განმავლობაში), მაგრამ ამ ეტაპზე მე ვიტყოდი რეალური საფრთხე არ არსებობს. თუმცაღა, ალბათობა აქაც შეიძლება მაღალი იყოს, რადგან „დაიშის“ მთავარი ხელწერა – მოულოდნელობა და არაპროგნოზირებადი დარტყმების მიყენებაა. შეიძლება ისეთ ქვეყანას მიაყენონ დარტყმა, რომელიც არავის მოუვა თავში აზრად. საქართველო ერთგვარი ტერორისტული საფრთხეების რალურ რკალში იმყოფება. იმედია, ჩვენი სპეცსამსახურები და განსაკუთრებით კონტრტერორისტული დეპარტამენტი ყველა ღონისძიებას გაატარებს, იმისთვის რომ თავიდან იქნას აცილებული ასეთი ტიპის საფრთხეები. “ურემი რომ გადაბრუნდება, გზა მერე გამოჩნდებაო” – ამ პრინციპით არ უნდა ვიაროთ. იმედია, ჩვენი ხელისუფლება ყველანაირ ზომას მიიღებს და დაუჯერებს სპეციალისტებს. სასწრაფო ღონისძიებებია საჭირო, რომ თავიდან ავიცილოთ ნებისმიერი ტერორისტული ტიპის დარტყმა ჩვენ მიმართულიბით, რომ მერე გვიან არ იყოს – ეს აუცილებელია!’‘, – განაცხადა ვახტანგ მაისაიამ.
წყარო “მარშალპრესი“