ლატვიამ უკრაინელი სამხედროებისთვის ზამთრის ფორმების შეკერვა დაიწყო, – ამ ინფორმაციას უკრაინის ელჩი ლატვიაში, ალექსანდრე მიშჩენკო ავრცელებს.
მისივე ინფორმაციით, ფორმებს უკრაინას უახლოეს მომავალში მიაწვდიან.
“ზამთრის ფორმა მზადდება სპეციალურად შეიარაღებული ძალების ცალკეული ქვედანაყოფების მიერ მოწოდებული ზომების მიხედვით და გვინდა, რომ თითოეული მათგანი მაქსიმალურად მოერგოს ჩვენს ჯარისკაცებს“, – წერს მიშჩენკო
მისივე განცხადებით, დასვენების დღეების მიუხედავად, ლატვიელი პროფესიონალები მუშაობენ, რომ რაც შეიძლება მალე დაამზადონ ზამთრის ტანსაცმლის პირველი პარტია, რომელიც უკრაინის შეიარაღებული ძალებისთვის ნატოს სტანდარტებით მზადდება.
შეგახსენებთ, რომ ესტონეთმა უკრაინას სამხედრო დახმარების ახალი პაკეტი დაამტკიცა, რომელიც სხვა საკითხებთან ერთად ზამთრის სამხედრო ფორმასაც მოიცავდა.