უკრაინის პრეზიდენტმა უმაღლესი მთავარსარდლის სხდომა გამართა და ფრონტის ხაზზე, ყველა მიმართულებით არსებული მდგომარეობის შესახებ დეტალური ინფორმაცია მიიღო. როგორც ვოლოდიმირ ზელენსკი გავრცელებულ ვიდეომიმართვაში ამბობს, უახლოეს კვირებში უკრაინის საჰაერო და ანტისარაკეტო თავდაცვასთამნ დაკავშირებით, კარგ სიაახლებს ელოდებიან:
“დღეს უმაღლესი მთავარსარდლის შტაბის მორიგი სხდომა გავმართე – საკმაოდ გრძელი, სამსაათიანი. ჩვენ დეტალურად გავაანალიზეთ სიტუაცია ფრონტის ხაზზე – ყველა მიმართულებით, ენერგეტიკულ ფრონტზე, სიტუაცია საზღვრებზე. ჩვენ ვიცით, რისთვის ემზადება მტერი. ჩვენ ვუპასუხებთ და გავაგრძელებთ ჩვენი მიწის გათავისუფლებას.
ასევე საფუძვლიანად იქნა გაანალიზებული ყველაფერი, რაც ეხება თავდაცვის ძალების მიწოდების მხარდაჭერას. ეს არის აღჭურვილობა, საბრძოლო მასალა, კომუნიკაცია, ზამთრის ფორმები.
ცალკე განიხილებოდა სარაკეტო და უპილოტო ტერორის წინააღმდეგ კონტრზომები – ამაში უკვე საკმაოდ მნიშვნელოვანი შედეგებია, ჩამოგდების მაჩვენებელი გაიზარდა, მაგრამ ჯერ კიდევ ბევრია გასაკეთებელი. ჩვენ უნდა უზრუნველვყოთ უკრაინის ცის სრული დაცვა და ამისთვის გავაკეთებთ ყველაფერს, რაც შესაძლებელია და შეუძლებელიც.
უახლოეს კვირებში ჩვენ ველით კარგ სიახლეებს უკრაინის საჰაერო თავდაცვასთან და ანტისარაკეტო თავდაცვასთან დაკავშირებით.” ამბობს ვოლოდიმირ ზელენსკი.