პოლონეთის პრეზიდენტმა, ანდჟეი დუდამ კლიმატის ცვლილების შესახებ გაეროს 27-ე კონფერენციაზე სიტყვით გამოსვლისას განაცხადა, რომ უკრაინაში რუსეთის შეჭრა კლიმატის საკითხს საფრთხის ქვეშ აყენებს.
„რუსეთის აგრესიის შედეგია კრიზისი და უზარმაზარი ხარჯები, რომელიც საფრთხეს უქმნის კლიმატის ტრანზიციის დროულ განხორციელებას და დასახული მიზნების დროულ მიღწევას“, – აღნიშნა პოლონეთის პრეზიდენტმა.
„ჩვენი მიზანი უნდა იყოს რუსეთის აგრესიის დროულად და სამუდამოდ აღმოფხვრა უკრაინისადმი მხარდაჭერის გაზრდით და რუსეთზე ზეწოლის გაძლიერებით და ჩვენი ძალისხმევის გაძლიერებით, რომ გავხდეთ დამოუკიდებელნი რუსული წიაღისეული საწვავისგან“, – განაცხადა ანდჟეი დუდამ.
კომენტარები