მე რამდენადაც მესმის პრეზიდენტის დამოკიდებულება, ის სააკაშვილსა და გვარამიას არ შეიწყალებს, – ამის შესახებ საპარლამენტო პოლიტიკური ჯგუფის, „გირჩის“ წევრმა ალექსანდრე რაქვიაშვილმა განაცხადა.
„მე არ მაქვს მოლოდინი, რომ პრეზიდენტი ამ დაპირისპირებაში ჩაერევა იმიტომ, რომ პრეზიდენტის პოზიცია იყო არ გააღრმავოს არსებული დაპირისპირება. გვარამია არ უნდა იყოს ციხეში. ის მუხლი საერთოდ არ უნდა არსებობდეს, რისთვისაც ციხეში ზის, ამიტომ პრეზიდენტი თუ შეიწყალებს, გამიხარდება. მე რამდენადაც მესმის პრეზიდენტის დამოკიდებულება, ის სააკაშვილსა და გვარამიას არ შეიწყალებს“,– განაცხადა რაქვიაშვილმა.
სალომე ზურაბიშვილის განცხადებით, ყოფილი პრეზიდენტის ჯანმრთელობის დაზიანების დონეზე დასკვნა უნდა იყოს წარდგენილი სასამართლოში. ზურაბიშვილის განცხადებით, მას დიდი იმედი აქვს, რომ ამ შეთხვევაში სასამართლო მოწოდების სიმაღლეზე იქნება.