ეს ადამიანები ქვეყნის შიგნიდან თუ გარედან ქვეყნის მშვიდობასა და განვითარებას ებრძვიან – ებრძვიან ევროპულ მომავალს, სწრაფად განვითარებად ეკონომიკასა და მშვიდობას, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ რადას დეპუტატის, გონჩარენკოს განცხადების საპასუხოდ თქვა.
„საქართველო ვითარდება სტაბილურად და სწრაფად, ეკონომიკური ზრდის მაჩვენებელი არის ორნიშნა, მსოფლიო სავალუტო ფონდი ამბობს, რომ 2027 წელს მთლიანი შიდა პროდუქტი იქნება 10 ათასს დოლარზე მეტი, 2030 წელს შესაძლებელია მან გადააჭარბოს 15 ათასს დოლარს, ევროპულ მაჩვენებლებს ძალიან დავუახლოვდებით და ამისათვის მშვიდობა, სტაბილურობა, რაც დღეს არის ამ ქვეყნის სტაბილური განვითარება, ეს არის საჭირო და რას ებრძვიან?! – ეს ადამიანები მტრობენ ამას – ერთი მხრივ ეკონომიკურ განვითარებას და მეორე მხრივ მშვიდობას. ომისკენ მოწოდებები პირდაპირი და ირიბი გვახსოვს. მათ ვერ წარმოუდგენიათ როგორ შეიძლება მსოფლიო სავალუტო ფონდმა დადოს პროგნოზი, რომ 10 ათასს დოლარს გადასცდება მთლიანი შიდა პროდუქტი რამდენიმე წელიწადში, აი ამას ებრძვიან – ერთი მხრივ ეკონომიკასა და მეორე მხრივ მშვიდობას. არც ეკონომიკასა და არც მშვიდობასთან ბრძოლა არ გამოუვათ, რადგან მართლები ვართ, მართალია ეს ქვეყანა“, – განაცხადა მამუკა მდინარაძემ.