ნაძალადევის რაიონში, ზღვისუბნის IIა მიკრორაიონში, N225, N226 და N205 კორპუსების პირველ სადარბაზოებში ახალი ლიფტები მოეწყო. ამ პროექტით პრობლემა 77 ოჯახს მოუგვარდა. ახალი ლიფტების სამონტაჟო სამუშაოების ღირებულება 208 600 ლარია.
აღნიშნულ მისამართებზე, „მეტრომშენის“ დაუმთავრებელი კორპუსების მეორე სადარბაზოებში ლიფტების მოწყობა გასულ წელს დაიწყო, მიმდინარე წელს კი პროექტის მეორე ეტაპი დასრულდა.
ინფრასტრუქტურული პროექტი ნაძალადევის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში შესრულდა.
კომენტარები