საქართველოს პრემიერ-მინისტრმა გიორგი კვირიკაშვილმა აზერბაიჯანის რესპუბლიკის საგანგებო და სრულუფლებიან ელჩთან, აზერ ჰუსეინთან გამოსამშვიდობებელი შეხვედრა გამართა.
მხარეებმა განიხილეს საქართველო-აზერბაიჯანის ორმხრივი ურთიერთობების აქტუალური საკითხები და ხაზი გაუსვეს თანამშრომლობის გაღრმავების აუცილებლობას.
გიორგი კვირიკაშვილმა აზერ ჰუსეინს მადლობა გადაუხადა ორი ქვეყნის ურთიერთობების განმტკიცებაში შეტანილი მნიშვნელოვანი წვლილისთვის და იმედი გამოთქვა, რომ იგი დარჩება საქართველოს მეგობრად და გულშემატკივრად.
აზერ ჰუსეინი აზერბაიჯანის რესპუბლიკის საგანგებო და სრულუფლებიან ელჩის პოსტს 2011 წლიდან იკავებდა.
კომენტარები