საერთაშორისო საქველმოქმედო ფონდ „ქართუს“ დაფინანსებით ოზურგეთის მუნიციპალიტეტის სოფელ ჭალა ბოხვაურში მთავარანგელოზ მიქაელის სახელობის ტაძარი გაიხსნა. ეკლესია, რომელსაც კულტურული მემკვიდრეობის ძეგლის სტატუსი აქვს მინიჭებული მე 19-ე საუკუნით თარიღდება. ნაგებობისგან მხოლოდ სამრეკლო და ნანგრევები იყო შემორჩენილი. ფონდი „ქართუს“ მხარდაჭერით მოხდა მისი სრული რეაბილიტაცია და ტაძარს ისევ დაუბრუნდა ძველი იერსახე.
„აღნიშნული ტაძარი იყო სრულიად განადგურებული, დანგრეული და მისგან იყო დარჩენილი მხოლოდ სამრეკლო. საქველმოქმედო ფონდ „ქართუს“ დახმარებით და ძალისხმევით ტაძარს დაუბრუნდა ძველი იერსახე“, – განაცხადა სახელმწიფო რწმუნებულმა გურიაში, გიორგი ურუშაძემ.
კომენტარები