საგარეო საქმეთა მინისტრი მიხეილ ჯანელიძე მედიის წარმომადგენლებთან შეხვედრაზე 2016 წელს შეაჯამებს. უწყების პრესსამსახურის ინფორმაციით, მიხეილ ჯანელიძისა და მედიის წარმომადგენლების შეხვედრა 28 დეკემბერს ნატო-სა და ევროკავშირის შესახებ საინფორმაციო ცენტრში გაიმართება.
შეხვედრაზე საგარეო უწყების ხელმძღვანელი ჟურნალისტებს მიმდინარე წლის განმალობაში საგარეო პოლიტიკის მიმართულებით მიღწეულ მნიშვნელოვან შედეგებს და მომავალი წლის პრიორიტეტებს გააცნობს.
”მიხეილ ჯანელიძე ისაუბრებს სამინისტროს საქმიანობაზე როგორც ევროპული და ევრო-ატლანტიკური ინტეგრაციის, ასევე სუვერენიტეტისა და ტერიტორიული მთლიანობის უზრუნველყოფის მიმართულებით, ყურადღებას გაამახვილებს ორმხრივ და მრავალმხრივ დიპლომატიაზე, ეკონომიკური და კულტურული დიპლომატიის მიმართულებით გადადგმულ ნაბიჯებსა და მნიშვნელოვან მიღწევებზე”, – აღნიშნულია საგარეო საქმეთა სამინისტროს პრესსამსახურის მიერ გავრცელებულ ინფორმაციაში.
მიხეილ ჯანელიძე 2016 წელს შეაჯამებს
2016/12/28 10:15:42
ნანახია: 1484 ჯერ