ჯონდი ბაღათურია აცხადებს, რომ მიხეილ სააკაშვილმა საქართველოში ჩამოსვლამდე ცოტა ხნით ადრე ავსტრიის ერთ-ერთ კლინიკაში კუჭის რეზექციის ოპერაცია გაიკეთა. ამის შესახებ „ქართული დასის“ ლიდერმა გადაცემაში „იმედი LIVE“ განაცხადა.
„მე მაქვს ასეთი ინფორმაცია და დარწმუნებული ვარ, მართალია. ავსტრიის დედაქალაქ ვენაში, ჩამოსვლამდე ერთი თვით ადრე გაიკეთა კუჭის რეზექცია. ადამიანები, ვისაც ჭარბი წონა აქვთ, კუჭს იპატარავებენ იმისთვის, რომ ცოტა ჭამონ და დასუსტდნენ. და ის [სააკაშვილი] 200 კილო იყო. ძალიან პოპულარული და ძალიან სახიფათო ოპერაციაა, იმიტომ, რომ ყოველთვის წარმატებული არ არის. ავსტრიაში, ვენაში არის ასეთი კლინიკა და გადაამოწმეთ აქვს თუ არა მანდ ამ კაცს გაკეთებული კუჭის რეზექცია აქ ჩამოსვლამდე 20 დღით, მაქსიმუმ 1 თვით ადრე. რომელიმე ექიმმა რამე დიაგნოზი დადო? ვინმემ თქვა – აი ეს ჭირს? და მთავარი თემა არის, რომ მიშა გახდა, დასუსტდა. იმიტომ, რომ საჭმელს არ ჭამს“, – განაცხადა ბაღათურიამ.