რუსები 200 000-მდე ახალ ჯარისკაცს წვრთნიან, ეჭვი არ მეპარება, რომ ისინი მეორედ შეეცდებიან კიევზე წამოსვლას, – ამის შესახებ უკრაინის შეიარაღებული ძალების მთავარსარდალმა, ვალერი ზალუჟნიმ The Economist-ისთვის მიცემულ ინტერვიუში განაცხადა.
„რუსულმა მობილიზაციამ იმუშავა. სიმართლე არაა, თითქოს მათი პრობლემები იმდენად მძიმეა, რომ ვერ იბრძოლებენ. ისინი იბრძოლებენ. მეფე ეუბნება, რომ წავიდნენ და ისინიც მიდიან. ჩეჩნეთის ორი ომის ისტორიას ვსწავლობდი – ასე იყო ყველაფერი. შესაძლოა ისინი ისე კარგად არ არიან აღჭურვილები, მაგრამ მაინც პრობლემას წარმოადგენენ ჩვენთვის. ჩვენი შეფასებით, მათ 1.2-1.5 მილიონი ადამიანის რეზერვი აქვთ… რუსები დაახლოებით 200 000 ახალ ჯარისკაცს ამზადებენ. ეჭვი არ მეპარება, რომ კიდევ ერთხელ წამოვლენ კიევზე“, – აღნიშნა ზალუჟნიმ.
უკრაინის შეიარაღებული ძალების მთავარსარდლის თქმით, ომისთვის კრიტიკული თვეები ახლოვდება.
როგორც The Economist-ი წერს, იანვარში, მაგრამ დიდი ალბათობით გაზაფხულზე, რუსეთს შეუძლია დონბასიდან, სამხრეთიდან ან თუნდაც ბელარუსიდან დიდი შეტევა დაიწყოს.