ნუგზარ წიკლაურის პასუხი დარჩიაშვილს

პარტიის ასობით ათასი მხარდამჭერის წინააღმდეგ მებრძოლი პოლიტსაბჭოს სასოწარკვეთილი წევრები ივანიშვილის სასამართლოსთვის მიმართვასაც არ თაკილობენ, – ასე გამოეხმაურა „ერთიანი ნაციონალური მოძრაობის“ წევრი ნუგზარ წიკლაური თანაპარტიელის, დავით დარჩიაშვილის განცხადებას, რომელიც არ გამორიცხავს, რომ „ნაცმოძრაობის“ ორ დაპირისპირებულ ჯგუფს შორის ყრილობის ლეგიტიმურობის საკითხზე დავა სასამართლოში გაგრძელდეს.

ნუგზარ წიკლაურმა თანაგუნდელი სოციალურ ქსელში გააკრიტიკა და განაცხადა, რომ ”დეგრადაციას ფსკერი არ ჰქონია”

”დეგრადაციას მართლაც არ ჰქონია ფსკერი. პარტიის ასობით ათასი მხარდამჭერის წინააღმდეგ მებრძოლი პოლიტსაბჭოს სასოწარკვეთილი წევრები ივანიშვილის სასამართლოსთვის მიმართვასაც არ თაკილობენ. ახლა მთავარია, ურთმელიძე არ იყოს დაკავებული და პროცესს სწორედ მან უხელმძღვანელოს: კერძო დავების საუკეთესო მცოდნე საქართველოში ეგ კაცია, რაც ”რუსთავი 2”-ის პროცესმაც დაადასტურა,” – წერს ნუგზარ წიკლაური.