ერთს ვეტყვი ჩვენს საზოგადოებას და ამის გადამოწმება არის უმარტივესი – სააკაშვილის ხელისუფლებამ იმისთვის, რომ სიმართლე დამტკიცებულიყო ჯერ სტრასბურგში და მერე ჰააგაში, გააკეთა ძალიან ცოტა და ძალიან გვიან, – ამის შესახებ პარლამენტის თავმჯდომარის მოადგილე არჩილ თალაკვაძემ „ქრონიკაში“ განაცხადა.
„მეტსაც გეტყვით, მას შემდეგ, რაც დავკარგეთ 200 სოფელი, მას შემდეგ, რაც სააკაშვილის მთავრობამ ჯარისკაცები მიატოვა ბრძოლის ველზე, ხოლო ჩვენი მშვიდობიანი მოსახლეობა ევაკუაციის გარეშე, ამის შემდეგ, იმის მაგივრად, რომ ებრძოლათ საერთაშორისო სამართლებრივ ინსტიტუტებში, როგორც ეს ჩვენ გავაკეთეთ, მათ შემოიღეს უვიზო რეჟიმი რუსეთთან და სტრატეგიული ენერგოობიექტები გადასცეს რუსეთის ფედერაციას და მასთან დაკავშირებულ კომპანიებს ბონუსად“, – განაცხადა თალაკვაძემ.
ჰააგაში აგვისტოს ომის საქმეზე გამოძიების დასრულებაზე საუბრისას თალაკვაძე აღნიშნავს, რომ ეს საქართველოს კიდევ ერთი მნიშვნელოვანი წარმატებაა საერთაშორისო სამართლებრივ ასპარეზზე.