პარლამენტის პირველი ვიცე-სპიკერი გიორგი ვოლსკი აცხადებს, რომ ნებისმიერი განცხადება, რომელიც კეთდება რადიკალური ოპოზიციის მხრიდან, და უკვე თავისუფლად შეიძლება ითქვას, რომ ეს მთლიანობაში კოლექტიური „ნაცმოძრაობაა“, ყველაფერი მიმართულია იმისკენ, რომ საზოგადოებაში შემოიტანონ დიდი დოზით დეზინფორმაცია. ასე შეაფასა მან „ნაცმოძრაობის“ წარმომადგენლის, ხატია დეკანოიძის განცხადება იუსტიციის მინისტრისა და ელჩების შეხვედრის თაობაზე.
„ნებისმიერი განცხადება, რომელიც კეთდება რადიკალური ოპოზიციის მხრიდან, და უკვე თავისუფლად შეიძლება ითქვას, რომ ეს მთლიანობაში კოლექტიური „ნაცმოძრაობაა“, ყველაფერი მიმართულია იმისკენ, რომ საზოგადოებაში შემოიტანონ დიდი დოზით დეზინფორმაცია. ეს იყო დემარში, კატეგორიული მოთხოვნა თუ საქმის გაცნობის სურვილი – რასაკვირველია, ეს ჩვეულებრივი ნორმალური პროცესია. ასე რომ სიტყვების თამაშს აქ ნაკლები მნიშვნელობა უნდა მივანიჭოთ“, – აცხადებს ვოლსკი.
იუსტიციის სამინისტრომ დიპლომატიური კორპუსის წარმომადგენლებს მიხეილ სააკაშვილის თაობაზე ინფორმაცია მიაწოდა. „ნაცმოძრაობის“ წარმომადგენელმა ხატია დეკანოიძემ კი განაცხადა, რომ ელჩების შეხვედრა იუსტიციის მინისტრთან დიპლომატების მხრიდან დემარში იყო.