“ეს არის წელი, რომლის განმავლობაშიც ეკონომიკაში უნდა მოხდეს ზრდა, შეიქმნას ახალი სამუშაო ადგილები და უნდა იყოს კეთილდღეობის საწინდარი”, – ეკონომიკის მინისტრმა დიმიტრი ქუმსიშვილმა ტელეკომპანია “პირველის” ეთერში:
“ეს არის პრიორიტეტები, რომელიც განსაზღვრულია ჩვენი 4-პუნქტიანი გეგმით. ძალიან მნიშვნელოვანი იქნება სტრუქტურული, მმართველობითი, განათლების რეფორმები. ეს იქნება იმ შედეგის გარანტი, რომელიც გვინდა მივიღოთ საშუალო და გრძელვადიან პერიოდში. ყველაზე მნიშვნელოვანი ისაა, რომ კარგად გვაქვს გააანალიზებული, რა ვითარებაა ჩვენს ქვეყანაში. როდესაც ვსაუბრობთ ეკონომიკის ზრდაზე, კეთილდღეობაზე, უნდა გვესმოდეს რისგან შედგება ჩვენი ეკონომიკა. ინვესტიციები ერთ-ერთი მნიშვნელოვანი მიმართულებაა. 2017 წელს ძალიან კარგი პროგნოზები გვაქვს.
ჯამურად 600 მილიონი ლარით არის გაზრდილი კაპიტალური დანახარჯები 2017 წლის ბიუჯეტში, 2016 წლის ბიუჯეტთან შედარებით, რაც აისახება ეკონომიკის ზრდასა და ადამიანების კეთილდღეობაზე“, – განაცხადა ქუმსიშვილმა.