საქართველოს პრემიერ-მინისტრის შეფასებით ლარის კურსის დაცემასთან დაკავშირებული მოვლენები გამოწვეული იყო ადამიანთა ცალკეული ჯგუფის მიერ შექმნილი აჟიოტაჟით.
ჩვენი ოპონენტები ცდილობდნენ, რომ დაეკავშირებინათ ეს დევალვაცია იმ ნაბიჯებთან, რომელიც ჩვენ გამოვაცხადეთ. აბსოლუტურად არანაირი კავშირი ამ ორ მოვლენას შორის არ არსებობს. პირდაპირ შემიძლია ვთქვა, გამოჩნდა კიდევაც, ის აჟიოტაჟური კომპონენტი გაუფასურების ბოლო დღეების განმავლობაში მოიხსნა და დაბრუნდა ლარი იმ ნიშნულზე, რომელიც მთლიანად შეესაბამება ჩვენს ძირითად სავაჭრო პარტნიორებთან არსებულ სიტუაციებთან.
პირდაპირ შემიძლია ვთქვა და ბრალიც დავდო იმ ადამიანებს, რომლებიც ხელოვნურად ქმნიდნენ ამ აჟიოტაჟს, რომ ის აჟიოტაჟური 0,15 თუ 0,2, რომელიც გაუფასურდა ბოლო ორი კვირის განმავლობაში და დაბრუნდა მერე მაჩვენებელზე, ეს იყო მთლიანად, აბსოლუტურად აჟიოტაჟური ელემენტი. ეს ცხადიც არის. დღევანდელ დღეს ეს არის გარკვეულ დონეზე დასტაბილურებული“, – განაცხადა პრემიერმა საზოგადოებრივი მაუწყებლის ეთერში.