დუშეთის, თიანეთის, ყაზბეგის და ბაზალეთის დევნილთა დასახლების გაერთიანებული ოლქის მაჟორიტარი დეპუტატი ხევსურეთსა და ყაზბეგში ქართველ მესაზღვრეებს ესტუმრა.
ზაქარია ქუცნაშვილმა შატილის, მუცოს, ტანიეს, ტერღასა და ჯუთას სასაზღვრო პუნქტის მესაზღვრეებს დამდეგი შობა-ახალი წელი მიულოცა.
დეპუტატის განცხადებით, ქართველი მესაზღვრეები განსაკუთრებულ ყურადღებას იმსახურებენ ქვეყნის ერთგულების და სამშობლოს სიყვარულის გამო.
„საქართველოს ამ უმშვენიერესი კუთხიდან, კავკასიონის ცაში აზიდული ქედებიდან მინდა ყველა მესაზღვრეს, ქვეყნის ყველა ერთგულ მცველს და სრულიად საქართველოს მივულოცო დამდეგი შობა-ახალი წელი. გისურვოთ, პირველ რიგში, მშვიდობა, სიმართლისთვის ბრძოლაში დაუღლელობა და სიყვარულის გრძნობით ცხოვრება. ასევე ერთგულება, როგორც ადამიანობის ერთ-ერთ მთავარი გამოხატულება. თქვენ ხართ სწორედ ის ადამიანები, რომლებიც ერთმანეთის გვერდში დგომით ინარჩუნებთ კავკასიონის ჩრდილოეთ ფერდობს და ამის გამო სახელმწიფოს წინაშე თქვენი დამსახურება ფასდაუდებელია“, – განაცხადა ზაქარია ქუცნაშვილმა.