საქართველოს პრეზიდენტმა გიორგი მარგველაშვილმა პრეზიდენტის ნაძვის ხეზე დევნილთა კომპაქტურ დასახლებებში მცხოვრებ ბავშვებს და პრეზიდენტის ადმინისტრაციის თანამშრომლების შვილებს უმასპინძლა.
პრეზიდენტის სასახლეში ნოდარ დუმბაძის სახელობის მოზარდ მაყურებელთა თეატრმა საბავშვო, მუსიკალური წარმოდგენა ”საახალწლო ნაძვის ხე” გამართა, სადაც პატარებს საყვარელი ზღაპრების პერსონაჟები, საახალწლო სანახობა შესთავაზეს.
პრეზიდენტმა გიორგი მარგველაშვილმა ბავშვებს ახალი წელი პირადად მიულოცა და მათთან ფოტოებიც გადაიღო.
პრეზიდენტის ნაძვის ხე 3-4-5 იანვარს გაიმართება.
პრეზიდენტის ადმინისტრაციის ინფორმაციით, საახალწლო ნაძვის ხე დევნილი ბავშვებისთვის ტრადიციულად პირველმა ლედიმ, მაკა ჩიჩუამ მორთო.
კომენტარები