“უკადრებელი იკადრეთ, მადამ სალომე”

რეჟისორი გოგა ხაინდრავა საქართველოს პრეზიდენტის განცხადებას სოციალურ ქსელში ეხმიანება.

„ვუსმენ საქართველოს პრეზიდენტს, ვუყურებ დიპლომატიური კორპუსის რეაქციას, კითხვა მიჩნდება, აქ წარმოდგენილი, რომელი ქვეყნის მთავარსარდალი და პრეზიდენტი აკადრებს ასეთ მძიმე ჟამს საჯაროდ, საკუთარ ქვეყანასა და მთავრობას მსგავს შეურაცხყოფას და ცილისწამებას?

უკადრებელი იკადრეთ, მადამ სალომე!“, – წერს გოგა ხაინდრავა.

საქართველოს პრეზიდენტმა, სალომე ზურაბიშვილმა ორბელიანების სასახლეში უკრაინაში მიმდინარე ომის წლისთავისადმი მიძღვნილ ღონისძიებაზე განაცხადა: „არ შეიძლება, არ გამოვხატო მწუხარება იმის გამო, რომ საქართველოს მთავრობამ იზოლაციაში მოაქცია თავისი თავი, გამოეყო დემოკრატიულ თანამეგობრობას და რაღაც მიზეზებით ცდილობს, რომ გაამართლოს ყველასთვის გაუგებარი, ვითომცდა ნეიტრალური თუ დაბალანსებული პოზიცია“.