„კონკურსი დასრულდა. ოზურგეთში ჩემს ბიუროს ლაშა ჭელიძე უხელმძღვანელებს, რომელმაც წარმატებით გაიარა კონკურსის ორივე ეტაპი”, – ამის შესახებ საპარლამენტო უმრავლესობის ლიდერი არჩილ თალაკვაძე სოციალურ ქსელში წერს.
“კონკურსი დასრულდა. ოზურგეთში მაჟორიტარის ბიუროს ლაშა ჭელიძე უხელმძღვანელებს, რომელმაც წარმატებით გაიარა კონკურსის ორივე ეტაპი.
ლაშა ჭელიძეს განათლება მიღებული აქვს ეკონომიკის, ფინანსების და სოფლის მეურნეობის სფეროებში. აქამდე მუშაობდა ოზურგეთის მუნიციპალიტეტის საკრებულოს საფინანსო-საბიუჯეტო კომისიაში. სხვადასხვა დროს მუშაობდა ოზურგეთის #3 საჯარო სკოლასა და ოზურგეთის სახელმწიფო დრამატულ თეატრში – ფინანსური სამსახურის უფროსად. ლაშას აქვს სამეწარმეო პროექტებში და კერძო სექტორში მუშაობის გამოცდილებაც.
ტრენინგები გავლილი აქვს მსოფლიო ბანკის, სტრატეგიული კვლევებისა და განვითარების ცენტრის, საქართველოს ფინანსთა სამინისტროს და აგრარული უნივერსიტეტის პროგრამების ფარგლებში.
ფლობს ინგლისურ და რუსულ ენებს.
არის 37 წლის. ჰყავს მეუღლე და ერთი შვილი.
ბიუროს სხვა თანამშრომლები უკვე კონკრეტული ამოცანების შესასრულებლად, მასთან შეთანხმებით შეირჩევიან.
წარმატებებს ვუსურვებთ ლაშა ჭელიძეს!
P.S. კონკურსში მასთან ერთად, ძალიან საინტერესო კადრებმა მიიღეს მონაწილეობა და ვიტოვებთ შესაძლებლობას, მომავალში, კიდევ რამდენიმე ადამიანს საინტერესო პოზიციებზე გავუწიოთ რეკომენდაცია”, – წერს თალაკვაძე.