საქართველომ უნდა მიიღოს კანდიდატის სტატუსი, ამას იმსახურებს ქართველი ხალხი, ამის მანდატი აქვს ქართველ ხალხს, – ამის შესახებ დეპუტატმა ხატია დეკანოიძემ განაცხადა.
„ჩემი პირადი პოზიციაა, რომ საქართველომ უნდა მიიღოს კანდიდატის სტატუსი. ამას იმსახურებს ქართველი ხალხი, ამის მანდატი აქვს ქართველ ხალხს და ევროკავშირის დროშა საქართველოს სიმბოლოთი არის ყველგან, მათ შორის კონგრესში, საიდანაც რამდენიმე დღის წინ დავბრუნდი. ნებისმიერ შემთხვევაში ეს ექვსი თვე იქნება ძალიან მძიმე, რთულად გასავლელი ყველა პოლიტიკოსის მხრიდან“, – აღნიშნა დეკანოიძემ.
„ნაციონალური მოძრაობისა“ და „ევროპული საქართველოს“ ყოფილი წევრი დავით დარჩიაშვილი აცხადებს, რომ მას „ქართულ ოცნებასთან“ ერთად სტატუსის მიღება არ უნდა, ვინაიდან ეს მისთვის შეურაცხმყოფელია. პარტია „დროას“ წევრი მარიკა მიქიაშვილი კი მიიჩნევს, რომ „ქართული ოცნება“ კანდიდატის სტატუსით ავტორიტარიზმს გაამყარებს.