პარლამენტის ვიცე-სპიკერი არჩილ თალაკვაძე აცხადებს, რომ საქართველოს სახალხო დამცველის კონსილიუმის წევრებს თუ არ მოსწონთ როგორ მკურნალობენ პატიმარ მიხეილ სააკაშვილს ექიმები, მაშინ თქვან, რა მკურნალობის სქემა შესთავაზეს მას.
„თუ ისინი [კონსილიუმის წევრები] თვლიან, რომ არა კვების შეწყვეტის, არა მკურნალობაზე უარის თქმის, არამედ სხვა მიზეზებით უარესდება სააკაშვილის ჯანმრთელობა, მაშინ ჩვენ გვაინტერესებს, რომ მათ გამოაქვეყნონ თვითონ რა სამედიცინო დანიშნულება მისცეს პაციენტს და ამ სამედიცინო დანიშნულებას ასრულებს თუ არა პაციენტი. თუ მათ არ მოსწონთ ექიმების მიერ გაწეული სამუშაო, გვითხრან, თვითონ რა მკურნალობის სქემა შესთავაზეს მიხეილ სააკაშვილს“, – განაცხადა თალაკვაძემ.
სახალხო დამცველის კონსილიუმის წევრებმა მიხეილ სააკაშვილის ჯანმრთელობის შესახებ ანგარიში გაასაჯაროვეს.