ისინი გამოყარეს აქციიდან მეორე დღეს და სავარაუდოდ იმიტომ გამოაგდეს, რომ უპასუხისმგებლოდ მოიქცნენ – მიატოვეს ახალგაზრდები შუა პროტესტში, – ამის შესახებ საპარლამენტო უმრავლესობის წევრმა, არჩილ თალაკვაძემ განაცხადა, რითაც “ნაცმოძრაობის” წევრ პეტრე ცისკარიშვილის განცხადებას გამოეხმაურა, სადაც ოპოზიციონერი პოლიტიკოსი ამბობს, რომ 7-9 მარტის აქციებზე ხალხი “ნაციონალურმა მოძრაობამ” გამოიყვანა.
„ისინი გამოყარეს აქციიდან მეორე დღეს და სავარაუდოდ იმიტომ გამოაგდეს, რომ უპასუხისმგებლოდ მოიქცნენ – მიატოვეს ახალგაზრდები შუა პროტესტში. მეორე დღეს მათ წაართვეს მიკროფონები და გაყარეს მიტინგიდან. შემდეგი შეხვედრის შესაძლებლობა როცა ექნებათ ამ პროტესტის მონაწილეებთან, იქ უნდა გაარკვიონ, თვითონ აორგანიზებდნენ ამ პროტესტს თუ ეს სპონტანურად მოხდა, რაც ძალიან ბევრ კითხვის ნიშანს აჩენს, მით უმეტეს იმ განცხადების შემდეგ, რაც ცისკარიშვილმა გააკეთა“, – განაცხადა თალაკვაძემ.