რას აპირებს ოპოზიცია საგამოძიებო კომისიის შექმნის მცდელობის ორჯერ ჩაგდების შემდეგ – ხელისუფლების პოლიტიკური მოწინააღმდეგეების განმარტებით, ისინი ყველაფერს გააკეთებენ, რათა “ქართულ ოცნებას” არ მისცენ შესაძლებლობა საკანონმდებლო ორგანოში მათი არ ყოფნა გამოიყენონ და სრულად მობილიზებულები იქნებიან.
“ქართულ ოცნებაში” კი აცხადებენ, რომ ისინი ყველა სამართლებრივ ბერკეტს გამოიყენებენ, რათა “ნაციონალურმა მოძრაობამ” სასამართლოზე საგამოძიებო კომისია პარლამენტში არ შექმნას.
“ნაციონალური მოძრაობა” ვერ შექმნის საქართველოს პარლამენტში, სასამართლოსთან დაკავშირებით ვერანაირ საგამოძიებო კომისიას. გარდა იმისა, რომ ეს არის ამორალური მათი მხრიდან, არის აღიარება მათი რეალური ბუნებისა და მიზნების, რომ მათ სურთ სასამართლოზე კონტროლი, თუ კონტროლს ვერ შეძლებენ, მაშინ მისი დისკრედიტაცია.
საპარლამენტო ცხოვრების თანმხვედრი ნაწილია და, რა საკვირველია პოლიტიკური ინსტრუმენტი არის პროცედურული საკითხებით ოპონირება. შესაბამისად, ცხადია იქნება ეს თუ სხვა მექანიზმი გამოყენებული ამას დიდი მნიშვნელობა არ აქვს.
მთავარია ფაქტი, რომ ის სიყალბე და შოუ რაც უნდა “ნაციონალურ მოძრაობას” საქართველოს პარლამენტში, მით უმეტეს სასამართლოს წინააღმდეგ არ და ვერ გამოუვა ვერც აქ და ვერც სხვაგან ვერასდროს,”-აცხადებს პარლამენტის ფრაქცია ”ქართული ოცნების” თავმჯდომარის მოადგილე რატი იონათამიშვილი.
რიგით მეორე კენჭისყრა პარლამენტში გუშინ ისევ ვერ მოხერხდა. მოსამართლეების მიმართ სოლიდარობის მოტივით, უმრავლესობამ რეგისტრაციაზე ისევ უარი თქვა. შედეგად კვორუმი ვერ შედგა.