აბსოლუტურად წარმოუდგენელ განცხადებებს აკეთებს – ასეთი მიკერძოება მე არც ვიცი რამდენად ჯდება მის პროფესიაში, – ამის შესახებ კინორეჟისორმა გოგა ხაინდრავამ კელი დგენანის განცხადების შეფასებისას ისაუბრა.
„კელი დეგნანის მოღვაწეობა საქართველოში აბსოლუტური ფიასკოა. მან ხელი შეუწყო ყველაზე მძიმე ურთიერთობებს საქართველოსა და აშშ-ს შორის, რაც პირველ რიგში, დამაზიანებელია აშშ-სთვის, რადგან საქართველო ერთადერთი მეგობარი ქვეყანაა რეგიონში“, – განაცხადა ხაინდრავამ.
კელი დეგნანმა მოსამართლეების სანქცირების საკითხზე საუბრისას განაცხადა: „ოთხი ადამიანის დაცვა, რომლებზეც არის სანდო ინფორმაცია კორუფციულ ქმედებებში მონაწილეობასთან დაკავშირებით, არ არის სოლიდარობა პროფესიონალი მოსამართლეების მიმართ. ვიზის აკრძალვამდე ჩვენ ჩავატარეთ ძალიან საფუძვლიანი მიმოხილვა და შევაგროვეთ ინფორმაცია, რომლის უმრავლესობა საჯაროდ იყო ხელმისაწვდომი“.