ჩვენს თანამოქალაქე თითოეულ მუსლიმს ვულოცავ რამადან ბაირამს, ისლამური სამყაროს ერთ-ერთ უდიდეს დღესასწაულს, – ამის შესახებ საქართველოს პრეზიდენტი სალომე ზურაბიშვილი სოციალურ ქსელში წერს.
ზურაბიშვილის თქმით, დღეს დასრულდა მარხვის წმინდა თვე და მორწმუნე მუსლიმებს შერიგების, ერთიანობისა და მოწყალების ზეიმი აქვთ.
„ეს ღირებულებები საერთოა საქართველოს მრავალფეროვანი საზოგადოებისათვის და ჩვენი ქვეყნის ტოლერანტობისა და ურთიერთპატივისცემის საამაყო მრავალსაუკუნოვანი ტრადიციის მთავარი საფუძველია.
გისურვებთ მშვიდობას, ჯანმრთელობას, სიკეთესა და კეთილდღეობას, სიხარული არ მოჰკლებოდეს თქვენს ოჯახებს!“, – წერს სალომე ზურაბიშვილი.
კომენტარები