გიული ალასანიას გადმოცემით, მიხეილ სააკაშვილს ჰქონდა გონების კარგვა. მაშინვე იყო გამოძახებული მორიგე ექიმი. მორიგე ექიმის ნახვის პერიოდში პაციენტი გონებაზე იყო, – ამის შესახებ „ვივამედის“ კლინიკურმა დირექტორმა, ზურაბ ჩხაიძემ განაცხადა.
მისივე თქმით, მორიგე ექიმი გამოძახების თანვე გამოცხადდა პალატაში და სააკაშვილი მას გონზე დახვდა, მისი ფიზიოლოგიური მაჩვენებლები კი ნორმის ფარგლებში იყო. ექიმების რეკომენდაცია და მოწოდება იგივე რჩება – საკვები კალორაჟის გაზრდა.
„გიული ალასანიას გადმოცემით, სააკაშვილს ჰქონდა გონების კარგვა. მაშინვე იყო გამოძახებული მორიგე ექიმი. მორიგე ექიმის ნახვის პერიოდში პაციენტი გონებაზე იყო. ფიზიოლოგიური მაჩვენებლები, არტერიული წნევა, რესპირატორული მაჩვენებლები ნორმის ფარგლებში იყო.
მისი ეს ზოგადი მდგომარეობა დაკავშირებულია კვების პრობლემასთან. მოიტანოს ის, რასაც ჩვენ ვთავაზობთ და რასაც პაციენტი ირჩევს და იქნებ, ამ გზით მოხდეს კვების რაციონის გაფართოება“, – განაცხადა ჩხაიძემ.