სანდრო გირგვლიანის საქმის ადვოკატი შალვა შავგულიძე სანდრო გირგვლიანის მკვლელობას თემირლან მაჩალიკაშვილის საქმეს ადარებს. შავგულიძის თქმით, მაჩალიკაშვილის საქმე გირგვლიანის საქმეზე უარესია.
„მაჩალიკაშვილის საქმე რით არ არის უფრო უარესი, ვიდრე იყო გირგვლიანის საქმე?! გირგვლიანის საქმეზე რესტორანში კონფლიქტი მოხდა და ეს კონფლიქტი დანაშაულებრივად გაგრძელდა ხელისუფლების წარმომადგენლების მხრიდან ხომ?! მათ ჩაიდინეს დანაშაული და ევროპის სასამართლომ დაადგინა რაც დააშავეს. მაჩალიკაშვილის საქმეზე კონფლიქტიც კი არ მომხდარა. ადამიანს ეძინა საკუთარ სახლში, 16 წლის ბიჭს, შევიდა სახელმწიფო, სპეცდანიშნულების რაზმის სახით, მის საძინებელში, ესროლა და მოკლა“, – განაცხადა შავგულიძემ.
კომენტარები