საქართველოს პრემიერ-მინისტრის ირაკლი ღარიბაშვილის გადაწყვეტილებით, 300 ონკოლოგიური დაავადების მქონე ბავშვის საზღვარგარეთ მკურნალობას მთავრობა დააფინანსებს.
“მოგეხსენებათ საქართველოში დაახლოებით 300 ონკოლოგიური დიაგნოზის მქონე ბავშვი გვყავს. ხშირ შემთხვევაში ჩვენ გვჭირდება ამ ბავშვების მკურნალობა საზღვარგარეთ, რაც მრავალი ათასი დოლარი ჯდება, რისი საშუალებაც მოსახლეობას არ აქვს. ამიტომ ჩვენი გადაწყვეტილებით 300 ონკოლოგიური პაციენტი სრულად დაფინანსდება სახელმწიფოს მიერ. შერჩეული გვაქვს რამდენიმე საუკეთესო კლინიკა მსოფლიოში, სადაც მოხდება მკურნალობა” – განაცხადა პრემიერ-მინისტრმა.
კომენტარები