“არ მიყვარს ხოლმე ასეთი ტერმინებით საუბარი, მაგრამ ყველაზე კარგად ასახავს მდგომარეობას, რაც ხდება “ნაციონალურ მოძრაობაში”, პოლიტიკური თვალსაზრისით, ეს ორგანიზაცია დალპა. დალპა ნიშნავს იმას, რომ იქ უბრალოდ ჯანმრთელი ქსოვილები აღარ ვითარდება”, – ამის შესახებ მმართველი გუნდის წევრმა, მიხეილ სარჯველაძემ განაცხადა.
მისივე თქმით, ის, რაც ოპოზიციურ პარტიაში ხდება, მათივე დასასრულია.
“ბუნებრივია, ყოველი შემდგომი გაღრმავება კონფრონტაციის კანონზომიერია – ურთიერთთავდასხმები, შეუთანხმებლობა. როცა არჩევნების პერიოდი იყო ამ პარტიაში ვთქვით, რომ შეუძლებელია იგივე ფორმით, შემადგენლობით განაგრძოს ფუნქციონირება. იყო მცდელობა მათი მხრიდან და განცხადებები, რომ “ვრჩებით პარტიაში, ასე გავაგრძელებთ”. გამორიცხულია ეს, ჯანმრთელი ქსოვილები აღარ დარჩა იქ, ეს აბსოლუტურად ლოგიკური დასასრულია ამ ორგანიზაციის”, – განაცხადა სარჯველაძემ.