ზოგადად, ნებისმიერი პოზიტიური ჩანაწერი, რაც შეიძლება, გვხვდებოდეს სხვადასხვა რეზოლუციაში სააკაშვილთან, კეზერაშვილთან, გვარამიასთან და სხვებთან დაკავშირებით, რა თქმა უნდა, ჩვენთვის ნიშნავს საქართველოს უახლოესი ისტორიის ერთგვარ გადაწერას. ესენი არიან ადამიანები, რომელთაც მრავალი დანაშაული აქვთ ჩადენილი, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
მისი თქმით, „აღნიშნულ ადამიანებზე პოლიტიკურ კონტექსტში საუბარი კატეგორიულად მიუღებელია“.
„იმ ადამიანებმა, რომლებიც ასეთ რეზოლუციებს უჭერდნენ მხარს, კონკრეტული დასტური მიიღეს იმის თაობაზე, რომ კეზერაშვილი არის კორუმპირებული, მას აქვს უმძიმესი დანაშაულები ჩადენილი და კვლავ აგრძელებს დანაშაულთა ჩადენას. ამჯერად უკვე ევროპელი პენსიონერების წინააღმდეგ. მგონი, ბევრისთვის ეს ძალიან კარგი გაკვეთილი იქნება“, – განაცხადა კობახიძემ.