შარლ მიშელის და ირაკლი ღარიბაშვილის ერთობლივი ბრიფინგის გაუქმების შესახებ გავრცელებული ინფორმაციასთან დაკავშირებით „ქრონიკა“ ევროპული საბჭოს პრეზიდენტის პრესმდივანს დაუკავშირდა.
„ბრიფინგის გაუქმების თაობაზე ინფორმაცია ფალსიფიცირებულია“, – განუცხადა „ქრონიკას“ შარლ მიშელის პრესმდივანმა.
გუშინ, 25 მაისს გავრცელდა ინფორმაცია, რომ ევროპული საბჭოს პრეზიდენტის და ირაკლი ღარიბაშვილის ერთობლივი პრესკონფერენცია ჩაიშალა.
შარლ მიშელისა და ირაკლი ღარიბაშვილის ერთობლივი ბრიფინგი რომ დაგეგმილი არ ყოფილა, ამის შესახებ „ქრონიკის“ ევროპის ბიუროს ევროპული საბჭოს პრეზიდენტის პრესსპიკერმა გუშინვე განუცხადა.
გავრცელებულ დეზინფორმაციას გუშინვე გამოეხმაურა მთავრობის სტრატეგიული კომუნიკაციების დეპარტამენტის უფროსი ნინო გიორგობიანი. მისი განმარტებით, ევროპული საბჭოს პრეზიდენტთან ერთობლივი განცხადებები არც პროგრამით იყო გათვალისწინებული და არც ანონსში იყო აღნიშნული. გიორგობიანის შეფასებით, ამ დეზინფორმაციის მიზანი პრემიერ-მინისტრის წარმატებული ვიზიტის გადაფარვის მცდელობაა.
