ამ აქციით ძალიან ბევრი დაინახავს, რას ვითხოვთ, რა გვინდა, რომ გვინდა მშვიდი ცხოვრება, ჩვენი საქმის კეთება. არ გვინდა ეს ნეგატივი, არეულობა, დაძაბულობა, – ამის შესახებ წყალბურთელმა ზუკა რურუამ გადაცემაში „იმედი LIVE“ განაცხადა.
მისი თქმით, ძალიან ბევრი ადამიანი დაინახავს, რა არის აქციის მონაწილეების მოთხოვნა.
„ყველამ, ვისაც არ უნდა ამ აქციაზე მოსვლა და ამ პროცესებში ჩართვა, უნდა გაიგოს, რომ არსებობენ ადამიანები, ძალიან ბევრი, რომლებიც ფიქრობენ, რომ ჩვენი ქვეყანა საფრთხეში არ უნდა ჩავაგდოთ არასდროს.
ამ აქციით ძალიან ბევრი დაინახავს, რას ვითხოვთ და რა გვინდა. ჩვენ გვინდა მშვიდი ცხოვრება, გვინდა ჩვენი საქმის კეთება, არ გვინდა ეს ნეგატივი, არეულობა, დაძაბულობა. არ გვინდა სულ რევოლუციისა და გადატრიალების მოწოდება. ეს ხომ პოლიტიკოსების კვალია, რომლებიც ყოველთვის თანამდებობებისთვის იბრძვიან. ჩვენმა საზოგადოებამ ეს მარტივად უნდა გაანალიზოს და ყველა მიხვდება რაშია საქმე“, – განაცხადა ზუკა რურუამ.