“მას შემდეგ, რაც საქართველოს კანდიდატის სტატუსს არ მისცემენ, ეს ბუნებრივად გამოიწვევს საზოგადოების აღელვებას”

„ნაციონალური მოძრაობის“ გენერალური მდივნის, პეტრე ცისკარიშვილის განცხადებით, მას შემდეგ, რაც საქართველოს კანდიდატის სტატუსს არ მისცემენ, ეს ბუნებრივად გამოიწვევს საზოგადოების აღელვებას, რომლის ფონზეც ინიშნება ხოლმე ვადამდელი არჩევნები ყველა ქვეყანაში.

„როდესაც არის უკმაყოფილება, მაშინ ინიშნება ვადამდელი არჩევნები. თუ არ იქნება კანდიდატის სტატუსი, როგორ შეიძლება ვადამდელი არჩევნების გამორიცხვა? როდესაც მოსახლეობის 90% ევროპისკენ მიისწრაფვის და თავისი შვილების მომავალს ევროპას უკავშირებს, რა თქმა უნდა, იქნება სახალხო საჯარო მოთხოვნა ვადამდელ არჩევნებზე“, – აცხადებს ცისკარიშვილი.