„პატრიორტთა ალიანსის“ ერთ-ერთი ლიდერი, პარლამენტის დეპუტატი ირმა ინაშვილი პარლამენტის შენობასთან საფინანსო კომპანია „საქართველოს“ მეანაბრეებს შეხვდა და მათი პრობლემები მოისმინა.
როგორც ირმა ინაშვილმა ჟურნალისტებთან საუბრისას განაცხადა, მიუხედავად იმისა, რომ პრობლემა რთული გადასაწყვეტია, სახელმწიფოს ვალდებულებაა, რომ მოისმინოს საკუთარი მოქალაქეების მოსაზრებები და დაეხმაროს მათ გადაწყვეტილების მიღებაში.
„გამოსავალია იმაშია, რომ სახელმწიფომ არ უნდა დახუჭოს თვალი თანამოქალაქეების პრობლემებზე, სახელმწიფო არ უნდა იყოს გულგრილი მაშინაც კი, როდესაც პრობლემა რთული გადასაწყვეტია და სახელმწიფომ უნდა იპოვოს გამოსავლის გზები, შექმნას კომისია და მოიწვიოს ეს ადამიანები იურისტებთან ერთად, რათა მოგვარდეს საკითხი. ზოგჯერ დახმარებაა ის, ადამიანებს კეთილ რჩევას რომ მისცემ და არა უყურადღებობა“, – განაცხადა ირმა ინაშვილმა.