აშშ-ის საჰაერო ძალების მდივანმა, ფრენკ კენდალმა განაცხადა, რომ უკრაინისათვის F-16-ის ტიპის გამანადგურებლების მიწოდება აუცილებელია საშუალოვადიან პერსპექტივაში.
ფრენკ კენდალის თქმით, F-16-ის მიწოდება „შექმნის შუალედურ შესაძლებლობებს, რაც უკრაინელებს ჯერ არ აქვთ, მაგრამ ეს არ შეცვლის სიტუაციას მკვეთრად“, რადგან „ჯერჯერობით, საავიაციო ძალა არ ყოფილა გადამწყვეტი ფაქტორი“ ომში.
„F-16 უკრაინელებს დაეხმარება, მაგრამ ბალანსს ძირეულად არ შეცვლის“, – დასძინა პენტაგონის ოფიციალურმა წარმომადგენელმა.
მან ასევე ხაზგასმით აღნიშნა, რომ შეერთებულ შტატებს „სხვა ბევრად უფრო მაღალი პრიორიტეტები“ ჰქონდა უკრაინის დასახმარებლად, რის გამოც შეერთებულმა შტატებმა თვითმფრინავების მიწოდება ადრე არ დაიწყო.
კომენტარები