“ნაციონალური მოძრაობა“ დღეს ე.წ. მატროსოვის ციხეში ვანო მერაბიშვილთან შეხვედრას გეგმავს

„ნაციონალური მოძრაობა“ დღეს ე.წ. მატროსოვის ციხეში ვანო მერაბიშვილთან შეხვედრას გეგმავს „ნაციონალური მოძრაობის“ გენერალურ მდივან ვანო მერაბიშვილს დღეს პარტიის წარმომადგენელი შეხვდება, – ამის შესახებ „ნაციონალური მოძრაობის“ წევრმა, აკაკი მინაშვილმა განაცხადა, თუმცა არ დაუკონკრეტებია, ვინ შევა ე.წ. მატროსოვის ციხეში და ვინ შეხვდება ვანო მერაბიშვილს.
აკაკი მინაშვილის თქმით, პარტია მზად არის ვანო მერაბიშვილის ნებისმიერი სურვილი გაითვალისწინოს.
”დღეს გაიმართება შეხვედრა ვანო მერაბიშვილთან. ჩვენი წარმომადგენელი შევა მასთან და ყველაფერს გაიგებთ, როდესაც საპყრობილიდან გამოვა. ვანო „ნაციონალური მოძრაობის“ გენერალური მდივანია. მას არ გამოუთქვამს მკაფიო პოზიცია, რომ არ სურს გენერალური მდივნობა და მისი ნების საწინააღმდეგოდ მოქმედებას არ ვაპირებთ. მან უნდა დააფიქსიროს პოზიცია. ვნახოთ რა შედეგები იქნება”, – განაცხადა აკაკი მინაშვილმა.