ინფორმაციას, რომ ,,გირჩი” შესაძლოა, გიგი უგულავას ფრთას შეუერთდეს, პარტიის ლიდერი ზურაბ ჯაფარიძე „ვერსიასთან“ ინტერვიუში აცხადებს, რომ ეს მოსაზრება სიცრუეა. როგორც ჯაფარიძე აცხადებს, „გირჩი“ არავისთან გაერთიანებას არ გეგმავს, მათ უახლოეს წარსულში ძალიან მწარე გამოცდილება მიიღეს და მსგავსი შეცდომის განმეორებას აღარ აპირებენ.
„ეს 100%-ით ტყუილია! ,,გირჩი” ვინმესთან გაერთიანებას არ აპირებს! შეიძლება, ნებისმიერ პარტიასთან ვიმუშაოთ, რომელიც ჩვენს ხედვებს დაეთანხმება _ ამ მხრივ პრობლემა, პრორუსული და ფაშისტური შეხედულების მქონე პარტიების გარდა, არავისთან გვაქვს, მაგრამ მარტივად რომ ვთქვა, გაერთიანებით უახლოეს წარსულში ძალიან მწარე გამოცდილება მივიღეთ და მსგავსი შეცდომის დაშვებას არ ვაპირებთ. ჩვენი იდეებისთვის ვიბრძოლებთ, თუ ვინმე ამ ბრძოლაში აგვყვება, კარგია, თუ არადა, ჩვენს საქმეს მივხედავთ, ვინმესთან დაბლოკებასა და გაერთიანებას არ ვაპირებთ”, -აცხადებს ჯაფარიძე.
წყარო: „ვერსია“